विद्यार्थ्यांसाठी मोफत दंत तपासणी शिबिर उत्साहात संपन्न

🦷 विद्यार्थ्यांसाठी मोफत दंत तपासणी शिबिर उत्साहात संपन्न

हिंगोली प्रतिनिधी शिवाजी कऱ्हाळे

हिंगोली, दि. ३० सप्टेंबर २०२६ :

विद्यार्थ्यांच्या आरोग्याची काळजी घेत त्यांच्या सर्वांगीण विकासाला प्राधान्य देणाऱ्या पवार पब्लिक स्कूल, हिंगोली येथे Dr. HSRSM Dental College, Hingoli यांच्या सहकार्याने विद्यार्थ्यांसाठी विशेष दंत तपासणी व मौखिक आरोग्य मार्गदर्शन शिबिराचे आयोजन करण्यात आले.

या शिबिरामध्ये विद्यार्थ्यांची तज्ज्ञ डॉक्टरांकडून दातांची तपासणी करण्यात आली. तसेच दातांची स्वच्छता, योग्य पद्धतीने ब्रश करण्याची सवय, हिरड्यांचे आरोग्य, दातांचे आजार टाळण्यासाठी घ्यावयाची काळजी आणि नियमित दंत तपासणीचे महत्त्व याबाबत विद्यार्थ्यांना मार्गदर्शन करण्यात आले.

तज्ज्ञ डॉक्टरांची उपस्थिती:

या दंत तपासणी शिबिरासाठी डॉ. पूजा सोळंके, डॉ. सुरेश पंडित, डॉ. तन्वी पाथरकर, डॉ. आयेशा पटेल, डॉ. गायत्री मुगले, डॉ. अंकित मोरे, डॉ. नीतल मेश्राम, डॉ. नर्मदा ढगे, डॉ. सृजल घुगे, डॉ. समृद्धी गिरे आणि डॉ. वैष्णवी गायकवाड हे डॉक्टर उपस्थित होते. त्यांनी विद्यार्थ्यांची प्रत्यक्ष दंत तपासणी करून आवश्यक सूचना व मार्गदर्शन केले.

बालवयात दंत तपासणीचे महत्त्व

लहान वयात दातांची योग्य काळजी घेतल्यास भविष्यातील अनेक दंतविकार टाळता येतात. दातांमध्ये किड, हिरड्यांच्या समस्या, दातांची अस्वच्छता किंवा इतर समस्या सुरुवातीच्या टप्प्यातच लक्षात आल्यास त्यावर योग्य उपचार करणे शक्य होते. त्यामुळे विद्यार्थ्यांमध्ये ‘निरोगी दात, निरोगी शरीर आणि निरोगी जीवन’ याबाबत जागरूकता निर्माण करण्यासाठी अशा दंत तपासणी शिबिरांचे विशेष महत्त्व आहे.

या उपक्रमासाठी शाळेच्या वतीने कोमल अग्रवाल, के. सी. सोली, गजानन वानरे, अश्विनी सराफ, वैशाली सोळंके, अश्विनी देशमुख, रुपाली बेंगाळ, रुपाली ठाकरे, योगेश थोरात, जोबिन जॉर्ज, सचिन इंगोले, पंकज इंगोले, कपिल मस्के, विष्णू घुगे, वैभव काळे आदी शिक्षक व शिक्षकेतर कर्मचारी उपस्थित होते.